بلادي عزيزة عليا دخلتي قلبي ودمعتلي عنية L’Algérie

دهبتلي عقدة من لسان وخلتني نتكلم ونتحدث بالحرية

فكتلي قيود رجليا ويديا وخلتني نمشي في شوارعك عزيزة عليا

خلتني نهز علامك ونرفع لسما في دار وفي القطار حتى وانا ماشي عل رجلية

قدرت دريها وتفرح ملايين ملايين والألوفات من البشرية

عرفت شكون لتخير باش تنحي من أرضك الحزن والغمية

جبتي زياني وبوقرة و مطمور وبلحاج وحتى عنتر يحيى

وزدتي حليش و منصوري و غزال ومغني و رحت لموشية

ومانسيتيش قواوي وجبور وغيلاس ويبدة والبقية

بدتها من السنغال لرواندا ومصر ووصلتينا لزامبيا

فتحت التهديف من مطمور الجناح الطائر وختمتهنا بعنتر يحيى

عشنا معاك كل لحظة و قلوبنا تهتف بيك ونقلك ربي خليك ليا

بقيتي متمسكة وقوية و ثابتة ورزينة مهما تكتبت عليك من السمية

تمت كل مباريتنا و مازالت مع مصر باش نثبت للعالم الحقية

رحنا وكنا حطين رواحنا في بلد ومدينة إسلامية عربية

لقينا رواحنا حدى عدوان بشري وطوب حطنا رواحنا في دولة فلسطينية

ظننا اننا غلطنا في طريق ورحنا نواجه القوى الاسرائلية

مشينا شويا من المطار لقينا نو تاع الحجر حطينها المنية

حتى قلنا رانا في غزة وهل هدي مصر بلد الثقافة والحضرية

إسرائيل و ما درتهاش على أولاد غزة في الأعوام الماضية

سمونا بالبلطجية ونساو رواحهم بلي أنهم هم الحرامية

حبين يديرو كل المستحيل باش يفوز علينا ونساو ما معنا الجزائرية

نساو بلي عدنا روراوة رجل لا يستهان به أمام الحقدية

حتى بوتفليقة ظن اننا في الحرب فبعث كل القوى الأمنية

راحنا لام درمان مع روراوة و شيخ سعدان ودرها بهم عنتر يحيى

نقللهم واشبكم يا الحرامية كل هدا على جال مقابلة رياضية

ماتنساوش ماجر و عصاد ولخضر بلومي في خيخون في اسبانيا

سمينها ملحمة خيخون لان إباءنا نور وجه الجزائر الغالية

المهم رانا درناها وجبناها وحققنا الثنائية

تأهلنا لانغولا و زيد فوق هدا رايحين جنوب الافريقيا

حطتنا القرعة مع الانجليز و مع مريكان و زادت سلوفينيا

نقولو ربي وفقنا ويتم فرحتنا و طلع بلدنا في سما العاليا

بعد 24 سنة رانا رحنا و رانا رايحين باش نمثلو الوحدة العربية

قالو جبتو رجالة لخلقتهم فرنسا نقوللهم بصح عندهم الروح الرياضية

تخلو و تعلموا في فرنسا بصح مازالوا متمسكين بالجزائر مومو عنيا

قولتو بلي ما راناش عرب قولتو بلي رانا امازيغ والبربرية

نقول لكم صح رانا بربرية بصح ما راناش صديقة للحضارة الفرعونية

المهم صح بان و توما كولوا رواحكم يا خوان الصهيونية

كون جيتوا صح راكم أم الدنيا كنت ما تخلوش إسرائيل تدخل على الدولة عربية

ولا الكلام بالفم و تشراك الفم وصح ربي يستر في هده الدنيا

حنيا حبيت فرنسا ترجعنا فرنسية بصح قولنلها بلي رانا دولة عربية

مقدر تش حتى تدي جزء أو شبر من بلادي غالية عليا وعلى والديا

نتوما صحراء سيناء ماقدرتوش تحرروها وا جايين تقولوا بلطجية

عرفوا واش تهدروا راكم تحطتوا مع الجدار للقوى الإرهابية

جات فرنسا وراحت وجا الإرهاب وراح لوجود الوحدة الوطنية

هدف عنتر يحيى فسد عيليكم كل الحياة كن كانت على الصح مبنية

ما تعرفوا والو أعطيكم الفن والملحن وخليكم تكشفوا الغنية

كون جيتوا ماش تاع المشاكل كن لعبنا مباراة أكثر من عربية أخوية

بصح الشيطان ما يحب غير العداوة والفراق يا أم الدنيا

نضحك عليكم كنسمع إنكم أم الدنيا وتوما مصدر للسخرية

راحت مصر ولا بلاد الفرعون كما راح فرعون على يد موسى وعصية

نقول لكم باي باي يا الحرامية جزائر بلادي عزيزة عليا

ربي يهنيك يا بلادي وربي يحميك من أيادي الإجرامية

تروحي إن شاء الله جنوب إفريقيا تلعبي و تربحي و جزائر تحيا

وان تو ثري -1 2 3- فيفا لا لجيري مع مطمور ومغني و عنتر يحيى