الأحد ديسمبر 12, 2010 10:54 pm | المشاركة رقم: |
المعلومات | الكاتب: | | اللقب: | ● المدير التنفيذي للموقع ● | الرتبه: | | الصورة الرمزية | |
الإتصالات | الحالة: | | وسائل الإتصال: | |
| موضوع: سكتشات اجتماعيه
سكتشات اجتماعيه ام شلاش جلست مع جاري ابوماجد في الصباح امام منزله نتجاذب اطراف الحديث في امور الحياة و ما ال اليه الوضع من تردي و ضيق واذا بجارتنا ام شلاش قادمه نحونا اخرج ابو ماجد علبة السجائر من جيبه و اشعل سيجاره و قال : الله يستر القت علينا التحيه الصباحيه و جلست معنا و قالت : الله يريحك من هالسم الي بتشربه ، والله حرام ام ماجد تترمل و هي صغيره - و اشارت الى علبة السجائر- بطل هالسم الي تشربه تعجب ابو ماجد من كلام ام شلاش الي كله شفقه عليه وقال : ان شاء الله ، الله كريم ام شلاش : سمعت من جارتنا ام شايش انه ظاربيتك جلطه تفاجا ابوم ماجد وقال : ام شايش قالتلك هيك – مع العلم ابو ماجد ما بيعاني من أي مرض و صحته حديد- ام شلاش : اه هي قالتلي حتى انه يومها بنتك ماجده كانت واقفه بالشارع و بتحكي و بتضحك مع ابن الجيران ، ابن فوزيه انجن ابو ماجد و قام طلع سيجاره ثانيه من جيبه وولعها وصار ينفخ ويقول : ماجده بتحكي و بتظحك مع ابن فوزيه ام شايش : هاي دخانك مثل دخان ماجد ابنك ابو ماجد : ليش ماجد بيدخن !!! ام شلاش : اووووووووووووووو من زمان بيدخن ابو ماجد : مش معقول ماجد بيدخن !!! ام شلاش : يا رجل يدخن احسن ما يسرق مثل اخوه امجد ابو ماجد : - ارتفعت حرارته- وصار يقول ابني امجد بيسرق !!! ام شلاش : -بصوت واطي- سمعت انه سارق تلفون ابن عمته ناجي و بايعه ابو ماجد : ناجي ابن اختي !!! كملت ام شلاش حكيها الي بيسم البدن و قالت : احتمال ميشان بنات لانه ابنك امجد مش مخلي بنت من شره جاهل الله يهديه قام ابو ماجد صار يضرب على راسه ام شلاش : بس ام ناجي طلعت قد حالها سحبت فلوس من رصيدها و اشترت لناجي تلفون بدل الي انسرق ابو ماجد : ليش ام ناجي عندها رصيد بالبنك !!! ام شلاش : انت وين عايش ام ناجي عظامها ذهب حتى اخوك صبحي نصب عليها ب 5000 دينار ابو ماجد : صبحي اخوي نصاب كمان !!! اذن المؤذن للصلاة : الله اكبر الله اكبر ........ ام شلاش : الله اكبر الله اكبر مرحبا بذكر الله استغفر الله اسمحولي بدي اقوم اصلي مع السلامه قامت و تركت ابو ماجد يضرب اخماس باسداس على هالفظايح بعد ساعه تقريبا طلع صوت من بيت ابو ماجد – صياح و تكسير ووعيد و تهديد بعدها بقليل سمعنا صوت سيارة الاسعاف عند بيت ابو ماجد طلعت ام شلاش من بيتها و صارت تسال الجيران : خير شو صار ببيت ابو ماجد الله يستر و هاي هي ام شلاش فتنه و نقل حكي و بتقتل القتيل و بتمشي بجنازته |
| |